Laerskool Bosveld Primary

Dit is noodsaaklik dat leerders die skool gereeld bywoon.  In geval van afwesigheid moet die ouer/voog die rede vir afwesigheid onverwyld per getekende brief aan die skool verstrek.  Alhoewel telefoniese kennisgewing van afwesigheid waardeer word, moet u nogtans skriftelik redes vir enige afwesigheid verstrek.  Dit is ‘n kriminele misdryf om u kind onnodig uit die skool te hou.  Nie alleen verloor die kind belangrike skoolwerk nie, maar dit kweek ook onverskilligheid en onbetrokkenheid teenoor sy/haar skool aan.
 
Afwesigheid gedurende toetse en eksamens sal slegs deur middel van ‘n doktersbrief aanvaar word.  Leerders wat afwesig is van eksamens of toetse of formele opdragte sonder ‘n doktersbrief sal geen punte vir die betrokke vraestel / opdrag ontvang nie.  Leerders wat met ‘n geldige doktersbrief van toetse en eksamen afwesig is, se punte sal volgens sy kwartaalpunt bereken word.
 
Sertifikate vir 100% skoolbywoning word aan die einde van elke jaar aan leerders uitgereik.